امراض ومن حاجات بسيطة

بسم الله الرحمن الرحيم

السلام عليكم .................ازيكم قرائى الأعزاء

النهاردة هانتكلم مع بعضنا عن موضوع مهم جدا لحياتنا كلنا ، وكمان حياة ولادنا ومع ذلك احنا فى احيان كتيرة ممكن مانكونش واخدين بالنا منه او من بعضه بحكم العادات طبعا ال ممكن فى احيان كتير تكون ضد صحتنا او
من ناحية اخرى بدافع الاستسهال وده برضه ممكن يودي صحتنا ورا الشمس وبعدين نرجع نقول ياريت ال جرى ما كان..............بس للأسف هايكون اوان الكلام فات .

امراض ومن حاجات بسيطة

اقولكم على حاجة مهمة جدا ...تعاملوا مع كل شىء موجود فى حياتكم وخصوصا جوه بيوتكم على انه فرد من افراد اسرتكم لابد من الاعتناء والاهتمام به والحرص على نظافته والتى سوف تعود عليكم فى صورة البعد عن الميكروبات والامراض وبالتالى صحة جيدة .

أقرأ أيضاً : الأيدى والنظافة - الجزء الرابع

           : الأيدى والنظافة - الجزء الثالث

عشان كده تعالوا نركز مع بعض على حاجات بنستعملها كلنا وممكن تكون هى سبب مشاكلنا لاحتواءها على كم هائل من الميكروبات زى

·       الكى بورد – لوحة مفاتيح الحاسب

أمراض- ومن -حاجات- بسيطة#1-بصمة خير

تتصوروا ان كمية الميكروبات ال موجودة عليها ممكن تكون اكتر من ال موجودة فى الحمامات وده طبعا لان ايدينا كلنا بتستعملها وفى جميع الاوقات ومن ايد لايد تتنوع الميكروبات وخصوصا لو كنا متعودين ناكل جنبها او عليها كمان ..المصيبة اكبر وعشان نحل جزء كبير من المشكلة لابد من تنظيفها بمناديل معقمة او قطعة قماش ناعمة نظيفة مغموسة فى محلول كحولى وذلك على فترات متقاربة حتى نضمن نظافتها وعدم نقل الأمراض منها.

·       الموبايل – الهاتف المحمول

امراض -ومن- حاجات- بسيطة#2-بصمة خير

طبعا كلنا عارفين ان موبايلنا بيكون معانا فى كل مكان وبيمسكه كل ال حوالينا لأسباب مختلفة لذا فهو يحمل كمية من الميكروبات لا حد لها ....ولذا لابد من الاهتمام بنظافته مرة كل اسبوع على الأقل وذلك مثل الكى بورد بالمناديل المعقمة – الويبس او قطنة مغموسة فى محلول كحولى او اى اسبراى حتى لو كانت زجاجة برفان لا تريدنها ولا تعجبك رائحتها فاستخدميها فى تنظيف هذه الحاجيات .

·       ريموت التليفزيون

أمراض -ومن -حاجات- بسيطة#3-بصمة خير

او اى ريموت موجود فى البيت سواء للتكييف او المروحة او غيره حتى لو كنا نضعه داخل جراب ، لابد من ان نأخذ بالنا انه ايضا يحمل كمية من الميكروبات وكل ما لذ وطاب من الأمراض ، فكل أفراد الأسرة تستخدمه وفى جميع الأوقات وكذلك الضيوف أحيانا... لذا لابد من الاعتناء به واعطاءه أهمية كبرى من ناحية النظافة بنفس اسلوب الموبايل والكى بورد على الأقل مرة كل اسبوع .

·       مفاتيح الإضاءة ومقابض الأبواب والشبابيك

امراض- ومن- حاجات- بسيطة#4-بصمة خير

كتير مننا ممكن مايفكرش فيها اصلا مع ان استعمالنا ليها كتير جدا وكلنا بنمسكها بايدينا سواء نظيفة اوغير وبالتالى تنتقل الميكروبات من خلالها واليها – لذا لابد من الحرص على نظافتها يوميا وذلك باستعمال مطهركالديتول حتى يساعد فى قتل الميكروبات .

·       حقيبة اليد ومحفظة الجيب

امراض- ومن- حاجات- بسيطة#5-بصمة خير

طبعا اكيد كتير مننا مش متخيل ان ممكن شنطة اليد او هذه المحفظة الصغيرة بتشترك هى كمان فى نقل الميكروبات منها واليها ... عشان كده نستعمل نفس اسلوب التطهير السابق لو نوعها جلد اما لو النوع قماش فأكيد الغسيل بالماء والصابون كل فترة مهم جدا

أقرأ أيضاً : الأيدى والنظافة - الجزء الثانى

·       لعب الأطفال

امراض- ومن- حاجات- بسيطة#6-بصمة خير

يجب الاهتمام بها والحرص على نظافتها باستمرار وخصوصا المحشوة كالدباديب والعرائس وايضا المصنوعة من البلاستيك او المطاط وذلك بالغسيل والنقع فى محلول مطهر ايضا .

·       غسالة الملابس-غسالة الأطباق

إأمراض- ومن- حاجات- بسيطة#7-بصمة خير

يجب العلم ان الميكروبات تتكون بداخل هذه الغسالات اذا لم يتم العناية بنظافتها كل فترة وذلك عن طريق جعلها تعمل دورة كامله بوضع الماء والخل او المعقم فقط من اجل غسل كل جزء فيها وكذلك لا ننسى ضرورة مسح باب الغسالة والاطارات بالخل او المطهر ايضا وكذلك الفلاتر الموجودة بها .

·       حوض المطبخ

امراض- ومن- حاجات - بسيطة#8-بصمة خير

كمان حاجة مهمة جدا وهى استعمال حوض المطبخ استعمال صحى بمعنى انه لا يجب ان نغسل ايدينا او اسنانا او نبصق فيه مثلا كما نستعمل حوض الحمام ..... لأن هذا ينقل الأمراض وبسرعة الينا .       " بيدى لا بيد عمرو "

وكما يفعل البعض ويغسلوا ايديهم الغير نظيفة فوق الخضروات والفواكه وهذا غير صحى على الاطلاق بحجة انها سوف تغسل بعد ذلك .

من ال شوفناه فى السابق وكمية الميكروبات ال موجودة حوالينا فى كل مكان

فى حاجات كتير حوالينا ممكن ما كناش واخدين بالنا منها ... قلازم نكون اكثر حرصا بتعاملنا معها ......لذا

أقرأ أيضا :

الأيدى والنظافة - الجزء الأول

 لماذا - قسم - افكار و سلوكيات

خلى بالكم من انه لابد من غسل الأيدى جيدا قبل البدء فى اعداد الطعام واذا حصل مثلا والموبايل رن او اضطريت وضغطت على زر الكهرباء او عايزين تشغلوا التليفزيون وانتم بتعدوا الطعام  فلازم نكون حريصين جدا اننا نرجع ونغسل ايدينا بالماء والصابون ومهم جدا استعمال الصابون وليس الماء فقط عشان نقتل الميكروبات كويس .

 من فضلكم ..لاتستهينوا أو تتكاسلوا فهذه صحتكم و صحة أولادكم

اراكم فى تدوينة قادمة بإذن الله